Logistikaren eta garraioaren sektorea eraldaketa sakon bati aurre egiten ari zaio, eta erronka handiak ditu, hala nola, gorabidean dauden teknologiak integratzea, Mugikortasun Iraunkorraren Legea bezalako araudi berriak, eta errepideko, itsasoko eta trenbideko garraioaren arteko multimodalitatea bultzatzea. Erronka horiei aurre egiten Bizkaiko enpresei laguntzeko, maiatzaren 8an jardunaldi batek gai hau jorratuko du, aldaketa horiei arrakastaz aurre egin dieten enpresak bilduta. Teknologietan eta lege-aldaketetan adituak diren pertsonekin batera, beren esperientziak eta orientabideak eskainiko dituzte.
Logistika, biltegi eta garraioko digitalizazio-soluzioei buruzko Jardunaldiaren bigarren edizioan izango da, EGAZ Txorierrik bultzatuta, Bizkaiko Foru Aldundiko Bizkaia Orekan Sakonduz sareko agentziekin (Mungialdeko Behargintza, Meatzaldeko Behagintza, Inguralde, Galdakaoko Udala) eta Gaiak, Red.es-ek finantzatutako Acelera Pyme de Bizkaia Bulegoaren bitartez.
Lehen jardunaldia azaroan egin zen, eta 50 bat enpresak parte hartu zuten. Horren ondoren, bigarren jardunaldi honetan hainbat enpresaren testigantzak eta esperientziak bilduko dira, hala nola Avian Services y Ecoquímica, Uninport eta Estatuko Portuak, Grupo Igarle aholkularitza teknologikoa eta ASETRABI Bizkaiko Garraio Elkartea.
Goizean zehar, prozesuen digitalizazioan, karbono-aztarna kalkulatzeko tresna hedapenean, SIMPLE plataforman eta IKTetatik igaroz prozesuetatik hobekuntza operatiboetarako trantsizioa nola egin bezalako gaietan izandako esperientziak banakatuko dituzte, eta erronka horiei guztiei buruz ere eztabaidatuko dute mahai-inguru batean.
Jardunaldiak galdera-erronda bat izango du eta kafe networking batekin amaituko da. Horrez gain, EGAZ Txorierriren eskutik, lurraldean dauden ETEak digitalizatzen laguntzeko programei eta laguntzei buruzko orientazioa eskainiko du.
Izena emateko epea zabalik dago, eta hurrengo estekan formalizatu daitezke:
Garraio sektoreari laguntzea
Jardunaldia garraioaren sektoreari laguntzeko EGAZ Txorierrik bultzatutako lehen ekintzetako bat izango da. Izan ere, datozen asteetan, hainbat tailer erakusleak eta praktikoak eskainiko ditu “Garraio/Logistika/Handizkako banaketa enpresentzako digitalizazio ibilbidea” izenekoan. Besteak beste, “Modu seguruan kudeatu eta komunikatu. Saihestu ezustekoa” (maiatzaren 20a), “Denborak murrizteko Adimen Artifizialarekin Zereginak automatiza” (maiatzaren 27a) eta “Sensorika Aplikatu eta denbora errealean zer gertatzen ari den ezagutu” (ekainaren 10a) bezalako gaiak jorratuko ditu.
Enpresek ibilbide honetan izena eman dezakete EGAZen webgunean.
JARDUNALDIAREN DATUAK
- Logistika, Biltegi eta Garraioko Digitalizazio-soluzioak
- Noiz: 2024ko maiaitzaren 8an, asteazkenean. 09:30etik 11:30era
- Nori zuzenduta: Mugikortasun Iraunkorraren Legeak, e-CMRaren eta garraio-karta digitalaren derrigortasunak eta garraioaren sektoreari aplikatutako berankortasun-legeak eragiten dieten kargatzaileak eta garraiolariak.
- Non: Aparkabisa – Trapagaran (Bizkaia)