Txorierriko ekosistema industrialeko enpresek, erakundeek eta eragileek aurrerapenak partekatzeko eta 2026 Jarduera Plana zehazteko aukera izango dute abenduaren 3an, Derioko Kultur Birikan egingo den 2025eko “Eskualdeko Mahaia” topaketan.
Eskualdeko Mahaia: gobernantza partekatua eta estrategia
Derio, Larrabetzu, Lezama, Loiu, Sondika eta Zamudioko udalek sustatuta, Txorierriko Zerbitzu Mankomunitatea osatzen duten udaletako Ekonomia Sustapen eta Enplegu Zerbitzuaren bitartez (Egaz Txorierri), topaketak aukera emango du eragile guztien artean definitzeko zeintzuk izango diren hurrengo hilabeteetako lehentasun estrategikoak, garapen ekonomiko partekatuarekiko konpromisoa indartuz.
Proiektu estrategikoak: EkoSangroniz, Txorierri Zirkularra eta BeTEK
Bizkaiko Foru Aldundiak babestu du ekimena, eskualde-lehiakortasuna bultzatzeko programaren bidez, Bizkaia Orekan Sakonduz estrategiaren esparruan. Topaketa 2025-2030erako Jarduera eta Gobernantza Kolaboratiboko Plan Estrategikoaren barruan dago, 2024ko abenduan aurkeztu zena eta Txorierrik Euskadiko lehen mailako polo industrial eta ekonomiko gisa duen posizioa mantentzea eta indartzea helburu duena.
Abenduaren 3ko jardunaldiak gonbidapena luzatzen die orain Txorierriko industria-eragileei urteroko topaketa honetara, datozen hilabeteetarako ibilbide-orria zehazteko.
Hitzorduari hasiera emateko, Josu Andoni Begoña Loiuko alkate eta EGAZ Txorierriko presidentearen mezu inspiratzaile bat jasoko da, egunaren tonua markatuko duena (ikuspegia, konpromisoa eta etorkizun partekatua). Cristina Múgica Bizkaiko Foru Aldundiko Lurralde Lehiakortasuneko eta Kanpo Sustapeneko zuzendari nagusiak ere hartuko du parte eta itxiera instituzionala egingo du.
Proiektu estrategikoak: EkoSangroniz, Txorierri Zirkularra eta BeTEK
Goizean zehar, 2025-2030 plan estrategikoarekin bat datozen proiektu estrategikoen lagin bat aurkeztuko da. Horien artean, EGAZ Txorierrik bultzatutako esperientziak, hala nola EkoSangroniz, Plan Estrategikoaren 5. lerroarekin bat datorrena (industrialdeen egokitzapena eta modernizazioa bermatzea), eta Txorierri Zirkularra, Plan Estrategikoaren 4. ildoari jarraituz abian jarritakoa (industriaren deskarbonizazioan eta hondakinen kudeaketan aurrera egitea). Gainera, Gipuzkoan gauzatu den BeTEK esperientziaz ere hitz egingo da, Txorierrin ezarri nahi baita, Plan Estrategikoaren 2. eta 3. ildoak jarraitzen dituelako: eraldaketa teknologikoa eta digitala bultzatzea eta I+G ekosistemaren presentzia aprobetxatzea, berrikuntza areagotzeko.
EGAZ Txorierrik inplikatutako eragile guztiak gonbidatzen ditu hausnarketa eta eraikuntza kolektiboko jardunaldi honetan parte hartzera:
📍 Derioko Kultur Birika (Anboto Plaza, 5 – Derio)
🕣 08:30 – 11:00 h