Pertsonak kalean, rawpixel.com -ek sortuta- www.freepik.es

Txorierriko 23 establezimenduk parte hartzen dute Euskadi Bono Denda programan, eta uztailaren 3ra arte, eta gero urriaren 1etik abenduaren 4ra arte. Programa horrekin, erosleek 10 euroko deskontuak lortu ahal izango dituzte 30 eurotik gorako erosketetan.

Eusko Jaurlaritzak bultzatutako ekimena ekainaren 2an hasi zen, Euskal Autonomia Erkidegoan tokiko merkataritza sustatzeko helburuarekin, eta hiriko merkataritza-jarduerarekin lotutako saltokietan eta zerbitzuetan ondasunen kontsumoa eta zerbitzuak ematea sustatzen du.

Horrekin, kanpainari atxikita dauden tokiko establezimenduetan kontsumitzeagatik deskontuak jasotzeko aukera izango dute pertsonek. Bonuak ordainketa egiteko unean eskuratu ahalko dira, eta pertsona bakoitzak gehienez ere 5 bonu jaso ahal izango ditu, 50 euroko balioarekin. Bonu horiek erosketa bakarrean edo batzuetan metatu ahal izango ditu, baita establezimendu batean edo gehiagotan ere.

Txorierrin, bonu horiek hainbat udalerritako establezimenduetan erosi eta trukatu daitezke:

-Derio: Ane Ileapaindegia, Artile Artean, Bilbolamp, Bisutería Jaren, Coquette Derio, Ipuina, La Aguja y el Dedal, Liliak Loradenda, Mamen, Mirets Estética y Masaje, NG Beauty Coaching, Peluquería Soraya, Poxpolin, Tuiyo, Tximeleta
-Loiu: Elekma, Titontziak
-Sondika: Estética Ópalo, Joyería Sondika
-Zamudio: Degustación Aramendi Gozotegia, Ferretería Zamudio, Gorbeia Mertzeria, Librería Papelería Zamudio