Eusko Jaurlaritzako Ekonomiaren Garapen, Iraunkortasun eta Ingurumen Sailak, SPRI taldeak eta Innobasque Berrikuntzaren Euskal Agentziak Bilboaldea, Enkarterri, Plentzia-Mungia eta Bermeo eskualdeetako 74 enpresari Hazinnova akreditazioa eman zieten atzo Zamudioko Teknologia Parkean. Horietatik 20 Txorierriko eskualdekoak ziren, beren erakundeetan berrikuntza ez-teknologikoko mikroproiektuak ezarri dituzten enpresak, merkatuan duten posizioa hobetzeko.
Bertan izan ziren Estibaliz Hernaez, Eusko Jaurlaritzako Teknologia, Berrikuntza eta Eraldaketa Digitaleko sailburuordea, Leire Bilbao, Innobasqueko zuzendari nagusia, eta Alejandro Loustaunau, EGAZ Txorierriko gerentea. Gainera, enpresa txiki eta ertainekin batera sareko eragileen ordezkariak ere izan ziren, zeinek bere berrikuntza-mikroproiektuak ezartzeko prozesuan lagundu baitiete: ASLE, Elikadura Klusterra, Bilboko Merkataritza Ganbera, Hegan, GAIA, Mugikortasun eta Logistika Klusterra, Enkartur, Meatzaldeko Behargintza, FVEM, Aclima, Mungialdeko Behargintza, Bermeoko Udala, Uniport, Gorbeialde, Energia Klusterra, Getxolan, Eraikune, Behargintza Txorierri, Konfekoop eta Inguralde.
Gaur aintzatespena jaso duten Bilboaldeko, Enkarterriko, Plentzia-Mungiako eta Gernika-Bermeoko enpresa txiki eta ertainek 105 proiektu osatu dituzte Hazinnova 2021 deialdiaren bidez, 2.300.000 euroko aurrekontua izan duen deialdiaren bidez.
EGAZ Txorierri Innobasquerekin eta Spri Taldearekin elkarlanean jarraitzen dugu, eskualdeko enpresei lehiakortasuna eta hazkundea hobetzen laguntzeko. Hazinnova Agentea gara eta Berrikuntzaren Euskal Sareko kide gara, gure zerbitzuak Txorierrira bideratuz. Bigarren edizioan parte hartzeko deialdia 2021eko abenduaren 2ra arte dago zabalik. Hazinnova programak 2,4 milioi euroko aurrekontua du eta berrikuntza ez-teknologikoan espezializatutako aholkularitza da ETEentzat, produktuetan berrikuntza eta negozio-prozesuan berrikuntza dakarten mikroproiektuekin: fabrikazioa, logistika, merkaturatzea eta administrazioa eta finantzak. Hazinnova berrikuntzan hasten diren enpresentzat da; proiektu puntualetan jarduten du (50 aholkularitza-ordu), denboran mugatuak (3 hilabete) eta bere jardun-eremuan eragin handia dutenak; % 100ean finantzatzen da eta dagokion lizitazio publikoa gainditzea lortu duten aholkularitza-enpresen artean aldez aurretik proposatu den aholkulariari ordainduz ematen da dirulaguntza.
HAZINNOVA ZIURTAGIRIA JASO DUTEN TXORIERRIKO ENPRESAK: GONVADOR SL (Zamudio), INGENERSUN S.L. (Zamudio), INGENIERÍA DE FIBRAS ÓPTICAS S.L. (Loiu), NACIL MEDICA 4 GROUP S.L. (Derio), PERSEUS CIBERSEGURIDAD S.L. (Zamudio), IEXCE S.L. (Derio), ÚTILES Y MÁQUINAS INDUSTRIALES S.A. (Zamudio), MENDIGUREN Y UGARTE S.L. (Loiu), DINAM INGENIIERÍA S.L. (Derio), AGRUPA LABORATORIO S.L.L. (Derio), DELICASS SDAD. ALIMENTACIÓN S.A. (Larrabetzu), ARTARAZ COMERCIA S.A. (Zamudio), ABEREKIN S.S. (Zamudio), AERO FERR NORTE S.A. (Erandio), BEFESA ZINC ASER S.A.U. (Asua), CARRETILLAS 2000 S.L. (Erandio), CONSULMAR S.L.U. (Erandio), DATA BASE STORAGE (Erandio), INDUMETAL RECYCLING S.A. (Asua), SISTEMAS INDUSTRIALES NAVALES S.L.U. (Erandio) y WORKBOAT SERVICES S.L.U. (Erandio).