EGAZ Txorierrik HAZILAN+ Proiektuaren 2025. edizioaren emaitzak ospatu ditu. Proiektu hau tresna eraginkorra da lanbide heziketa edo unibertsitate heziketa duten persona langabetuak laneratzeko. Aurten, 33 pertsonak eman diote konfiantza enpleguari bide honetan, eta horietako 19 lan-merkatuan txertatu dira dagoeneko, ekimen horren benetako eragina erakutsiz. Lan txertaketak ingeniaritzaren, industriaren eta zerbitzuen sektoreetan egin dira batez ere, eta horrek erakusten du proiektuak gaitasuna duela tokiko talentua eskualdeko enpresa-ehunaren benetako eskaerekin lotzeko.

LORPEN: Mentorizazio pertsonalizatua talentua sustatzeko

Proiektuaren funtsezko zati gisa, LORPEN mentorizazio-ekimenak ibilbide propioa diseinatzea eskaini dio pertsona bakoitzari, beren ezagutza eta trebetasunak enplegurako tresnen eta baliabideen bidez balioetsi ahal izateko.

Parte-hartzaileen profila

HAZILAN+ proiektuaren 2025. edizioan parte hartu duten pertsonen profilak desberdinak izan dira eta hainbat prestakuntza- eta bizi-errealitateren adierazgarri izan da. Gehienek lanbide-heziketako ikasketak dituzte, baina unibertsitate-ikasketak duten pertsona asko ere egon dira.

Generoari dagokionez, emakumeen eta gizonen arteko oreka mantendu da, programaren izaera inklusiboa islatuz.
Adinaren arabera, 30 urtetik beherako gazteak dira nagusi, ondoren, tarteko adin-tarteetan dauden pertsonak eta azkenik 50 urtetik gorako parte-hartzaileak. Horrek proiektua garapen profesionalaren une desberdinetara egokitzen dela erakusten du.

Profil barietate horrek berresten du HAZILAN+ programak benetako aukerak eskaintzen dizkiela bai lehen lan-esperientzia bilatzen dutenei, bai ibilbidea birbideratu nahi dutenei.

Helburua

Helburua argia da: Tokiko talentuaren eta enpresa-sarearen beharren artean lotura zuzenak sortzea.
Zure karrera bultzatzeko aukera baten bila bazabiltza, HAZILAN+ programaren LORPEN proiektua behar duzun tranpolina izan daiteke.