EGAZ Txorierrik HAZILAN+ proiektuaren lehen edizioa jarri du abian, erdi-mailako edo goi-mailako prestakuntza edo unibertsitate-ikasketak dituzten langabetuak lan-merkatuan sar daitezen bultzatzeko.

HAZILAN+ proiektuak mentorizazio-ekimen bat du, LORPEN izenekoa, eta, horri esker, pertsonei laguntza pertsonalizatua emango zaie, laneratzea zuzenean lantzeko ekintzen bidez.

Helburua da zuzeneko loturak sortzea beren taldeak prestatzeko talentua behar duten enpresen eta lan bila ari diren pertsonen artean.

LORPEN programari esker, parte-hartzaile bakoitzak bere ibilbidea diseinatu ahal izango du, enplegurako tresnen eta baliabideen bidez bere ezagutza eta trebetasunak balioetsi ahal izateko.

Pertsonek beren marka pertsonala sortzen eta transmititzen ikasiko dute, beren gaitasun pertsonal eta profesionaletan oinarritutako curriculuma prestatuko dute, lan-elkarrizketa bat gainditzeko aholkuak jasoko dituzte eta Txorierriko enpresa-sareak eskain ditzakeen lan-aukerak ezagutuko dituzte.

Proiektu hau tranpolin perfektua izango da, pertsonek beren interes profesionaletara hobekien egokitzen den lan-aukera lor dezaten.

Maiatzaren 30ean, ostegunean, 10:00etan, bailarako industrialde bakoitzaren potentziala aztertzeko lehen hitzaldia egingo da EGAZ Txorierrin.

Eman izena eta ez utzi aukera hau pasatzen.

Ekintza hau Euskal Herriko 2021-2027 Programa Operatiboaren bidez egin da. Proiektu horren finantziaziorako funtsen %40, hain zuzen ere, Europako Gizarte Funtsa-k eman du.