Ba al zenekien zure enpresan eredu iraunkorrago baterako trantsizioa hastea ez dela ingurumenaren aldeko ekintza bakarrik?

Trantsizio Energetikoa ez da soilik betebehar bat; aukera bat ere bada. Euskadiko 1/2024 Trantsizio Energetikoari eta Klima Aldaketari buruzko Legeak bide berria ireki du lurraldeko enpresentzat, bereizteko eta posizionamendua sendotzeko.

Testuinguru berri hau ulertzen laguntzeko, Egaz Txorierrik maiatzaren 13an 9:00etatik 11:30era antolatu du jardunaldia: “Deskarbonizaziotik errentagarritasunera: Trantsizio Energetikoaren aukerak”, Margube eta Naturelek enpresek emandako saioa. Bi enpresa hauek euskal jatorrikoak dira, eta energia-eraginkortasunean eta iraunkortasunean espezializatuta daude. Jardunaldia Bizkaiko Foru Aldundiak finantzatutako Enpresa Berdea programaren baitan antolatu da.

Jardunaldian zehar azalduko da zer den “deskarbonizazioa” eta “Trantsizio Energetikoa”, bi kontzeptu horiek gero eta gehiago entzuten baitira Euskadin. Halaber, enpresei kezka eragiten dieten gaiak jorratuko dira: Zer betebehar dakartzan 1/2024 Lege berriak; Zer esan nahi duen benetan deskarbonizatzeak; Eta nola egin trantsizio hau modu errentagarrian.

Hitzaldietan Trantsizio Energetikoa hainbat tresnarekin lotuko da, eskualdeko enpresentzat aukera handia diren plan eta baliabideekin, hala nola: Industria Laguntzen 2025 Plana eta Energia Aurrezteko Ziurtagiriak (EAZ).

Zer ikasiko duzu jardunaldi honetan?

Saio hau diseinatuta dago enpresek uler dezaten arau berrietara egokitzea ez dela soilik derrigorrezkoa, baita aukera errentagarri bat ere izan daitekeela. Bi erakunde adituren eskutik, parte-hartzaileek honako hau ikasiko dute:

• Zer esan nahi duen deskarbonizazioak eta nola hasi zure enpresan.
• Nola murriztu energia-kostuak errentagarritasuna galdu gabe.
• Zein aukera eskaintzen dituen 1/2024 Lege berriak.
• Nola lortu diru-sarrerak Energia Aurrezteko Ziurtagirien (EAZ) bidez.

Hizlari espezializatuak

• Fausto Orio, Naturelek-eko gerentea, energia-zerbitzuetan eta industria-deskarbonizazioan aditua den enpresa.
• María Benito, Margube-ko CEO eta merkataritza-zuzendaria, ENAC erakundeak egiaztatutako ingurumen-aholkularitza, EAZ ziurtagiriak egiaztatzeko gaitua.
• Iñigo Sagasti, Energiaren Euskal Erakundeko (EEE) Energia Plangintza eta Erregulazioko ingeniaria

Enpresa Berdea programaren baitan kokatutako jardunaldia

Ekimen hau Enpresa Berdea programaren parte da, Txorierriko eta, oro har, Bizkaiko industria-sarea trantsizio ekologikora bultzatzeko sortu den egitasmoa. Helburua da garapen ekonomiko berri baterako eredu baten motor izatea.

Jarduera hau Bizkaia Orekan Sakonduz sareko Eskualdeko Lehiakortasuna Bultzatzeko Programaren baitan garatzen da, Bizkaiko Foru Aldundiaren finantziazioarekin, eta horrek lurralde iraunkorrago, berdeago eta etorkizuneko erronketarako prestatuago baten aldeko konpromisoa berresten du.

Zalantzak dituzu zure enpresaren Trantsizio Energetikoarekin aurrera egiteko?
Gorde zure lekua hurrengo estekan: IZEN-EMATEA
Deskargatu programa osoa hemen: PROGRAMA